केपे : देवळामळ - मळकर्णे येथील डोंगराला आज अकस्मात आग लागल्याने मोठ्या प्रमाणावर वनराईची हानी झाली.या घटनेची माहिती अग्निशमन दलाला मिळाल्यावर त्यांनी महत्प्रयासाने ही आग आटोक्यात आणली. ही आग नेमकी कशी लागली याची माहिती मिळू शकली नाही.मागील महिन्याभरात गोव्यात आगीचे सत्र सुरू होते.
म्हादई जंगलातील आग तर बरेच दिवस धुमसत होती. अग्निशमन दलाचे प्रयत्न काहीसे तोकडे पडू लागल्यानंतर हेलिकॉप्टरद्वारे आगीवर नियंत्रण मिळवण्यासाठी प्रयत्न केले गेले होते.दरम्यान, गोव्यात वेगवेगळ्या ठिकाणी लागलेल्या आगींमुळे वृक्षसंपदेसह बऱ्याच मोठ्या प्रमाणावर आर्थिक नुकसान झाले आहे.
मळकर्णे येथेही बऱ्याच मोठ्या प्रमाणावर जंगलाची हानी झाली आहे.वारंवार राज्यात आगीच्या घटना घडत असल्याने वनसंपदेबरोबरच बागायतदारांचेही नुकसान होत आहे. त्यामुळे अशा घटनांना कारणीभूत असणाऱ्यांची गय केली जाऊ नये, अशी मागणी होत आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.