पणजी: गोव्यात नवीन शैक्षणिक वर्ष एप्रिलपासून सुरू करण्याच्या प्रस्तावावर पालकांच्या हरकतींसाठी शिक्षण संचालनालयाने अतिरिक्त १० दिवसांची मुदत देण्याचा निर्णय घेतला आहे, अशी माहिती शिक्षण संचालक शैलेश झिंगडे यांनी दिली.

हा निर्णय घेण्यापूर्वी फक्त पाच दिवसांचा कालावधी देण्यात आला होता. मात्र, पालक आणि पालक-शिक्षक संघटनांच्या भावना आणि मागण्यांचा विचार करून हरकतींसाठी आणखी दहा दिवसांचा कालावधी वाढवण्यात आला आहे.

याविषयी झिंगडे यांनी सांगितले की, आम्ही पालकांच्या भावना समजून घेतल्या आहेत. म्हणूनच, हरकत नोंदवण्यासाठी दहा दिवसांची अतिरिक्त संधी दिली आहे. त्यामुळे पालकांना मते मांडण्यास पुरेसा वेळ मिळेल.