Goa Mumbai Flight Bomb Hoax

मुंबई: गोव्यातून मुंबईला निघालेल्या विमानात बॉम्ब असल्याची धमकी सोमवारी (१३ जानेवारी) सायंकाळी इंडिगो विमान कंपनीला मिळाली. धमकी मिळाल्यानंतर मुंबई विमानतळावर सुरक्षा वाढविण्यात आली. लँडिंगनंतर विमानतळावर विमानाची तपासणी केल्यानंतर धमकी अफवा असल्याचे उघड झाले.

मिळालेल्या माहितीनुसार, इंडिगोचे विमान 6E 5101 हे गोव्यातून मुंबईला जाणाऱ्या विमानात बॉम्ब असल्याची कंपनीला धमकी मिळाली. धमकीची माहिती समोर आल्यानंतर आवश्यकतेनुसार सर्व खबरदारी घेण्यात आली.

गोवा विमानतळावर देखील सर्व संबधित यंत्रणांना सतर्क राहण्याचे आदेश देण्यात आले. विमानतळावर विमानातून सर्व प्रवाशांना सुखरुप बाहेर काढण्यात आले.

विमान आयसोलेट ठेवून सुरक्षा यंत्रणांनी विमानाची संपूर्ण तपासणी केली. तपासाअंती विमान पूर्णत: सुरक्षित असून, बॉम्बची धमकी अफवा असल्याचे स्पष्ट झाले, अशी माहिती विमान कंपनीने मंगळवारी (१४ जानेवारी) दिली. अखेर बॉम्ब नसल्याची खातरजमा झाल्यानंतर विमाने मुंबईसाठी उड्डाण केले.