Goa Illegal construction: मुरगाव नियोजन व विकास प्राधिकरणाने दाबोळी येथील फ्लाइट लँडिंग झोनजवळ फनेल झोनमधील (विमानतळ उड्डाण क्षेत्राजवळील) 11 घरे उंचीच्या निर्बंधांच्या आधारे पाडली असल्याची माहिती समोर येतेय.

भारतीय नौदलाने या घरांच्या बांधकामावर 15 वर्षांपूर्वी आक्षेप घेतला होता. एमपीडीएचे सदस्य सचिव संजय आनुर्लेकर यांनी या संबंधीची माहिती दिली.

दरम्यान गोव्यातील अवैध बांधकाम विरोधात प्रशासनाने मोठी मोहीम हाती घेतली असून काही दिवसांपूर्वी वागातोर येथील किनारपट्टी लगतचे बांधकाम पर्यटन मंडळ, प्रदूषण नियंत्रण मंडळ यांनी पाडले होते. विशेष म्हणजे ता रेस्टोरंटवर आतापर्यंत प्रशासनाने तीनवेळा कारवाई केली होती.

तसेच गिरकरवाडा - हरमल येथील सर्वे क्रमांक 63/92 जागेतील हॉटेलचे बेकायदा बांधकाम दिलेल्या मुदतीत जमीनदोस्त करण्यास आणखी मुदतवाढीसाठी केलेल्या अर्जावरील मुंबई उच्च न्यायालयाच्या गोवा खंडपीठाने बांधकाम मालक अशोक खंडारी यांची चांगलीच कानउघाडणी केली होती.