Morjim Beach Goa मोरजी विठ्ठलदास वाडा येथे मच्छीमार बांधवांनी पर्यटन क्षेत्राच्या जागेत उभारलेल्या झोपड्या पर्यटन विभागाकडून पाडण्यात आल्या. विशेष म्हणजे काल नारळी पौर्णिमेच्या दिवशीच हा प्रकार घडल्याने मच्छीमार बांधवांमध्ये संतापाचे वातावरण निर्माण झाले होते. दरम्यान या पाडण्यात आलेल्या झोपड्यांमुळे मच्छीमारांची जाळी ठेवण्याची गैरसोय निर्माण झाली आहे.

तसेच झोपड्या पाडल्यामुळे मच्छीमारांच्या इतर साहित्याचे देखील नुकसान झाले आहे. पर्यटन विभागाने पारंपरिक मच्छीमारांनी बनवलेल्या झोपड्या हटवल्या मात्र त्यांना मोठ्या हॉटेलांचे अतिक्रमण पाडता येत नाही असा संताप यावेळी उपस्थित नागरिकांनी व्यक्त केला.

मागच्या सात वर्षांपूर्वी अशीच एक घटना घडली होती आणि त्यात किनाऱ्या लगतच्या सात-आठ होड्यांना आगी लावून जाळल्या होत्या.

झोपड्या पाडत असल्याची माहिती मिळताच तातडीने या ठिकाणी स्थानिक पंच विलास मोरजे, माजी उपसरपंच अमित शेडगावकर, माजी सरपंच मंदार पोके पंच मुकेश गडेकर आणि नागरिकांनी घटनास्थळीत भाव घेतली.