पणजी: राज्यात गेल्या दोन ते तीन दिवसांपासून समाधानकारक पाऊस पडत आहे. गुरुवारी बहुतांश भागात दोन इंचांहून अधिक पावसाची नोंद झाली. त्‍यामुळे तुटवडा २४ टक्के भरून निघाला असून, तो ४७ टक्क्यांवर आला आहे.

२० जूनपर्यंत राज्यात ७१ टक्के पावसाचा तुटवडा नोंदविण्यात आला होता. मात्र आता तो काही प्रमाणात भरून निघाला आहे.

आत्तापर्यंत सरासरी २९ इंच पाऊस अपेक्षित असताना सुमारे १५ इंच पावसाची नोंद झाली आहे. दरम्यान, राज्यात पुढील चार ते पाच दिवस ‘यलो अलर्ट’ जारी करण्‍यात आला आहे.