Goa Monsoon 2023 गणेश चतुर्थी दरम्यान सुरु झालेल्या पावसाने गोव्यात बऱ्यापैकी बॅटिंग सुरु ठेवली. हवामान खात्यातर्फे मागील तीन दिवस राज्यात ऑरेंज अलर्ट जारी करण्यात आला होता तर आज म्हणजेच शनिवारी रेड अलर्ट घोषित करण्यात आला आहे.
कुशावती नदीच्या पाणी पातळीत वाढ झाली असून पारोडा पुलावरून पाणी वाहत असल्याची माहिती प्राप्त झाली आहे.
तर उत्तर गोव्यातील मये-कालवी हा रेल्वे क्रॉसिंग मार्ग देखील पाण्याखाली गेला आहे. तर केपे मडगाव रस्त्यावर पाणी आल्याने सदर रस्त्यावरून होणारी वाहतूक चांदरमार्गे वळविण्यात आली आहे.
पावसासह वादळीवारा देखील वाहत असल्याने राज्यात पडझडीच्या घटना घडत आहेत.पणजी लगतच्या मिरामार-दोनपावला रस्त्यावर झाड कोसळल्याने काही काळ वाहतूक ठप्प झाली.
तर बार्देश तालुक्यातही पावसामुळे जनजीवन विस्कळीत झाले असून एका ठिकाणी घरे आणि गाड्यांवर झाडे कोसळून सुमारे 4.20 लाखांचे नुकसान झाले.
तसेच शनिवारी सकाळी वास्को-सडा येथे दरड कोसळून लगतच्या घरांचे नुकसान झाल्याची घटना घडली आहे.
तसेच काल म्हणजेच शुक्रवारी रात्रौच्या सुमारास म्हापसा करसवाडा येथेही दरड कोसळल्याची घटना घडली होती. पुढील काही दिवस पावसाचा जोर कायम राहणार असल्याचे मत तज्ञांनी व्यक्त केलंय.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.