Goa Monsoon Update: गोव्यात आजपासून पुढील पाच दिवस मुसळधार पावासाचा इशारा गोवा हवामान खात्याने दिला आहे. राज्यातील उत्तर आणि दक्षिण जिल्ह्यात जोरदार सरी बरसतील त्यामुळे नागरिकांना सतर्क राहण्याचा इशारा खात्याने दिला आहे.

राज्यात आज दिवसभरात विविध ठिकाणी पावसाने जोरदार हजेरी लावली. जोरदार वारे आणि पावसामुळे काही ठिकाणी झाडांची पडझड झाली.

गोवा हवामान खात्याने प्रसिद्ध केलेल्या प्रसिद्धी पत्रकानुसार, 23 ते 25 जून या काळात गोव्यातील दोन्ही जिल्ह्यात मुसळधार पाऊस पडेल. याकाळात 40 ते 45 कि.मी प्रतितास वेगाने वारे वाहतील, महाराष्ट्र किनारपट्टी आणि गोव्यात याचा प्रभाव जाणवेल. याकाळात मच्छिमारांना समुद्रात न जाण्याचा इशारा दिला आहे.

राज्यात आज दिवसभर ढगाळ वातावरण पाहायला मिळाले शिवाय अनेक ठिकाणी हलका ते मध्यम स्वरूपाचा पाऊस पडला. वादळी वाऱ्यामुळे काही ठिकाणी झाडांची पडझड होऊन घरांचे नुकसान झाले.

गुरूवारी दक्षिण गोव्यात अनेक ठिकाणी जोरदार पाऊस पडला. यामुळे विविध पाणी साचणे, वाहतूक कोंडी आणि झाडे उन्मळून पडणे यासारख्या घटना घडल्या.