Goa Monsoon Update 2023: राज्यभरात पावसाने अक्षरश: धुमशान घातले असून ठिकठिकाणी पडझड होण्याच्या घटना सुरूच आहेत. मुसळधार पावसामुळे झाडे उन्मळून पडण्याचे प्रकार वाढल्याने नागरिकांना अतिशय सांभाळून राहावे लागत आहेत.

पावसामुळे कोठंबीमध्ये वडाचे झाड झाड कोसळल्याची घटना घडली आहे.

माहितीनुसार, रात्रभर सुरू असलेल्या धुव्वाधार पावसामुळे कोठंबीमध्ये वडाचे झाड शेजारीच असलेल्या गाईच्या गोठ्यावर कोसळले. यामुळे गोठ्याच्या शेडचे पूर्णपणे नुकसान झाले आहे.

सुदैवाने यामध्ये कोणतीही जीवितहानी झाली नाही

दरम्यान, या पडझडीच्या घटनांमध्ये खासकरून वीज खात्याचे मोठे नुकसान झाले. राज्यात रविवारी अग्निशमन आणि आपत्ती नियंत्रण कक्षाला एकूण ६७ कॉल्स आले.

त्यापैकी ६५ कॉल्स पडझडीशी संबंधित होते. एका दुर्घटनेत एकाला वाचवण्यात जवानांना यश आले. अन्य दोन गंभीर घटनांमध्येही दलाने मदतकार्य केले.