राज्यात धुव्वाधार पावसाला सुरुवात झाली असून यामुळे झाडे उन्मळून पडणे, दरड कोसळणे अशा घटना घडत आहेत. माहितीनुसार, केरये खांडेपार या ठिकाणी दरड कोसळली आहे. जर याचे प्रमाण वाढले तर आणि पाऊस असाच सुरू राहिला तर पुन्हा दरड कोसळण्याची शक्यता असल्याचे सांगण्यात येत आहे.

सध्या राष्ट्रीय महामार्गवरील वाहतूक सुरळीत चालू आहे.

इथे पहा व्हिडिओ...

तर दुसरीकडे शिरोडा येथे पावसामुळे झाड उन्मळून पडल्याने बराच काळ वाहतूक ठप्प झाली होती. माहितीनुसार, ही घटना साधारण 12.30 - 1 च्या आसपास घडली असून जवळजवळ पुढील दोन तास वाहतूक ठप्प होती. यामध्ये शाळकरी मुले, ग्रामस्थांचा मोठ्या प्रमाणात खोळंबा झाला.

त्यानंतर अग्निशमन दलाच्या जवानांना घटनास्थळी बोलावण्यात आले. तसेच जेसीबी आणि कटरच्या सहाय्याने झाड कापून रस्त्यावरून बाजूला करण्यात आले. त्यानंतर रस्ता वाहतुकीसाठी खुला झाला