राज्यात पावसाचा जोर कायम आहे. मुसळधार पावसामुळे जनजीवन पुरते विस्कळीत झाले आहे. यातच आज, गोव्यात हवामान खात्याने (शनिवार, 27 जुलै) यलो अलर्ट जारी केला असून मुसळधार पावसाचा इशारा देण्यात आला आहे. दोन्ही जिल्ह्यात वादळी वाऱ्यासह मुसळधार पावसाची शक्यता वर्तवण्यात आली आहे. याचबरोबर 40-50 किलोमीटर प्रतितास वेगाने वारे वाहण्याची शक्यता आहे.

हवामान खात्याने वर्तवलेल्या अंदाजानुसार, आज राज्यात मुसळधार पावसाची शक्यता असून 31 जुलैपर्यंत यलो अलर्ट वर्तवण्यात आला आहे.

आज यलो अलर्ट

हवामान खात्याच्या अंदाजानुसार राज्यात पुढील काही तासात मुसळधार पावसाची शक्यता आहे. अरबी समुद्रासह दक्षिण आणि उत्तर गोव्यावर (North Goa) सध्या पावसाचे ढग असल्याचे हवामान खात्याने म्हटले आहे.

गेल्या 24 तासात पावसाची नोंद

गोव्यात गेल्या 24 तासात पावसानं धूमशान घातलं आहे. राजधानी पणजीसह म्हापसा, पेडणे येथे सर्वाधिक पावसाची नोंद झाली आहे.