पणजी: गोव्यात गेल्या काही दिवसांपासून परतीचा पाऊस हजेरी लावत आहे. पुढील तीन दिवस देखील राज्यावर पावसाचे सावट असून, गोमंतकीयांची दिवाळीत पावसात जाणार आहे.

हवामान खात्याने दिलेल्या माहितीनुसार, गोव्यात ३१ ऑक्टोबर ते ०२ नोव्हेंबर तीन दिवस मुसळधार पावसाची शक्यता असून, यलो अलर्ट जारी करण्यात आला आहे.

हवामान खात्याने व्यक्त केलेल्या अंदाजानुसार, ३१ ऑक्टोबर ते ०१, ०२ नोव्हेंबर रोजी राज्यात ३० ते ४० किमी प्रतितास वेगाने वारे वाहण्याची शक्यता आहे. हे तीन दिवस राज्यात तुरळक ठिकाणी मध्यम ते हलक्या स्वरुपाच्या पावसाची शक्यता व्यक्त करण्यात आली आहे.

३१ ऑक्टोबर (पुढील तीन ते चार तास महत्वाचे)

उत्तर आणि दक्षिण गोव्यात पुढील तीन ते चार तास अधिक महत्वाचे असून, याकाळात उत्तरेत काही ठिकाणी पावसाची शक्यता आहे. पेडणे, सत्तरी आणि डिचोलीत ढगाळ वातावरण पाहायला मिळत असल्याचे वेधशाळेने म्हटले आहे.