Goa Monsoon 2023: गोव्यात रविवारी, 17 सप्टेंबर रोजी जोरदार पावसाची शक्यता वर्तवण्यात आली आहे. गोवा वेधशाळेने राज्यात पावसाचा यलो अलर्ट दिला आहे. राज्याच्या काही भागात मध्यम ते जोरदार पाऊस पडू शकतो.

दरम्यान, गेल्या चोवीस तासात केपे तालुक्यात सर्वाधिक पाऊस पडल्याची माहितीही गोवा वेधशाळेने दिली आहे.

राज्यात 17 सप्टेंबर रोजी पहाटे साडे आठ पर्यंतच्या गेल्या 24 तासांमध्ये राज्यात अनेक ठिकाणी पाऊस झाला. यात सर्वाधिक 70.2 मिलिमीटर पाऊस केपे येथे झाला आहे.

गेल्या 24 तासात झालेला पाऊस

• केपे - 70.2 मिलिमीटर

• साखळी - 32.6 मिलिमीटर

• दाबोळी - 27.6 मिलिमीटर

• काणकोण - 16.2 मिलिमीटर

• मुरगाव - 14.6 मिलिमीटर

• पणजी - 10.3 मिलिमीटर

सप्टेंबर हा नैऋत्य मॉन्सून पावसाचा अखेरचा महिना असतो. गोव्यात एकूण हंगामातील खूप कमी पाऊस या महिन्यात पडत असतो. दरम्यान, 18 सप्टेंबर रोजीदेखील राज्यासाठी पावसाचा यलो अलर्ट देण्यात आला आहे.

नागरिकांना पाणी साचणाऱ्या ठिकाणी जाऊ नये, घराबाहेर पडण्याआधी वाहतूक कोंडीची स्थिती पाहा, जुन्या इमारतींजवळ उभे राहू नका, अशा सूचना यलो अलर्ट अंतगर्त देण्यात आल्या होत्या.