Goa Monsoon 2023: गोव्यात दोन दिवसांपासून पावसाला सुरुवात झाली आहे. दोन्ही जिल्ह्यात बुधावारपासून पावासाने जोर धरला आहे. गोवा हवामान खात्याने आज (गुरुवारी) राज्यात वादळी वारे आणि वीज कडकडाटासह मुसळधार पावासाचा अंदाज व्यक्त केला आहे.

याकाळात 30-40 प्रतितास वेगाने वारे वाहण्याची शक्यता वेधशाळेने वर्तवली आहे.

गोवा हवामान खात्याने प्रसिद्ध केलेल्या माहितीनुसार, गुरूवारी दोन्ही जिल्ह्यात मुसळधार पाऊस पडण्याची शक्यता आहे. तर, 23-23 सप्टेंबर असे दोन दिवसांसाठी कोणताही हवामानाचा इशारा देण्यात आला नाही.

पण, त्यापुढील 24 आणि 25 सप्टेंबर या दोन दिवसांसाठी मुसळधार पाऊस होण्याचा अंदाज गोवा वेधशाळेने वर्तवला आहे.

दरम्यान, मागील दोन दिवसांसापासून राज्यात विविध ठिकाणी पावसाने पुन्हा हजेरी लावली आहे. अनेक दिवस दडी मारलेल्या पाऊस पुन्हा सक्रिय झाल्याने शेतकरी आणि सर्वसामान्य नागरिक सुखावला आहे.