Goa MLAs In Jammu and Kashmir: गोमंतकीयांच्या सुख - समृद्धी आणि कल्याणासाठी राज्याचे पर्यटनमंत्री रोहन खंवटे, कला आणि सांस्कृतिक खात्याचे मंत्री गोविंद गावडे व मांद्रे मतदारसंघाचे आमदार जीत आरोलकर यांनी जम्मू - काश्मीर येथील श्री वैष्णो देवी मंदिरात जाऊन देवीसमोर प्रार्थना करून साकडे घातले.
आम्ही वैष्णो देवीचे दर्शन घेऊन भैरव दर्शनास जात आहोत, वैष्णो देवीचे दर्शन चांगले झाले. गोवेकरांचे कल्याण व्हावे आणि सर्वांचे चांगले व्हावे, त्यांना सुख समृद्धी मिळावी अशी देवीकडे मनोभावे प्रार्थना केल्याची माहिती मंत्री रोहन खवटे यांनी दिली.
मंत्री गोविंद गावडे यांनी सांगितले, की गोमंतकीयांचे चांगलं आरोग्य त्यांना समृद्धी मिळावी आणि ज्या काही मनोकामना असतील त्या पूर्ण व्हाव्यात, अशी सामुदायिक प्रार्थना देवीसमोर आम्ही केली, सर्वांना सुख समृद्धी मिळावी यासाठी आम्ही देवीकडे प्रार्थना केली.
गोमंतकीयांचे आणि भारतवासीयांचे आम्हाला आशीर्वाद मिळो अशी प्रतिक्रिया यावेळी गावडे यांनी दिली.
आमदार जीत आरोलकर यांनी प्रतिक्रिया देताना सांगितले, की आम्ही वैष्णो देवीकडे गोमंतकीयांसाठी सुख समृद्धी मागितलेली आहे. सर्व गोमंतकीयांना सुखी ठेवावे, सर्वांचे आरोग्य चांगले रहावे, अशी आम्ही देवीकडे प्रार्थना केली.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.