Goa Traffic Jam: नववर्षाच्या स्वागतासाठी दाखल झालेल्या पर्यटकांसोबतच पणजीत येणाऱ्या सर्वानाच सध्या वाहतूक कोंडीचा त्रास सहन करावा लागतोय.
पर्वरी पासून मांडावी पुलापर्यंत वाहनाच्या रांगा लागत असून यात कित्येकवेळा रुग्णवाहिकाही अडकल्याचे चित्र या अगोदर दिसून आलंय.
विशेष म्हणजे सकाळी 9 ते 12 आणि संध्याकाळी 5 ते 7 च्या सुमारास वाहतूक कोंडी मोठ्या प्रमाणावर झालेली पाहायला मिळतेय.
त्यात पुन्हा स्मार्ट सिटीच्या नावाखाली पणजीतील खोदलेले रस्ते हे देखील वाहतूक कोंडीचे महत्वाचे करम बनले आहेत. रस्त्यांवर मातीचे ढिगारे ठेवल्याने रस्ते अरुंद बनले असून वाहतूक कोंडीला निमंत्रण दिल्याचेही दिसतेय.
तसेच वाहन पार्किंगसाठीही जागा मिळत नसल्याने कारचालक जिथे मोकळी जागा मिळेल त्या ठिकाणी गाड्या पार्क करीत आहेत.
पणजी सोबतच गोव्यात कुठ्ठाळी, पणजी मडगाव महामार्गावरील वेर्णा बिर्ला जंक्शनवर वाहतूक रोडावत असल्यामुळे महामार्गावर वाहनांच्या रांगा लागत आहेत.
पणजीहून येणारी वाहने वेर्णा वाहतूक सिग्नलकडे पोचताच धीमी होतात. त्यामुळे वाहतूक कोंडी होत असल्याचे चित्र मागील काही दिवसांपासून बघायला मिळतेय.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.