बागा समुद्रकिनाऱ्यावर अवैधपणे फोटोग्राफी करणाऱ्या बिहारमधील दोन तरुणांना पर्यटक पोलिसांनी पकडल्यानंतर पर्यटन खात्याने त्यांच्यावर दंडात्मक कारवाई केली.

तिळारी धरणाच्या कलव्याच्या दुरुस्तीनंतर आज (5 फेब्रुवारी) दुपारी पाणी पर्वरी जलुद्धीकरण प्रकल्पात पोहोचवण्यात आले. उद्यापासून पाणीपुरवठा सुरुळीत होईल.

राज्य सरकारने बंदी घातलेल्या पिटबुल, रॉटविलरसारख्या हिंस्त्र कुत्र्यांना गावात मोकळे सोडल्यास दंडात्मक कारवाई करण्यात येईल अशी नोटीस आसगाव पंचायतीकडून काढण्यात आली आहे. हल्लीच बादे येथे रॉटविलर कुत्र्‍याने एका व्यक्तीवर हल्ला केला होता.

अल्पवयीन मुलीवर लैंगिक अत्याचार केल्याप्रकरणी मायणा - कुडतरी पोलिसांनी प्लासिदो कुलासो याला अटक केली आहे.

पोलिस खात्यात १७.३० लाख रुपपयांचा गैरव्यवहार केल्याप्रकरणी महिला पोलिस कॉन्स्टेबल पूजा गावसला निलंबित करण्यात आले आहे. डिचोली पोलिस स्थानकात जमा झालेल्या दंडाच्या रखमेत हा गैरव्यवहार झाल्याचे उघडकीस आले आहे.

मुख्यमंत्री डॉ. प्रमोद सावंत यांनी भाजप गोवा कार्यालयाच्या नवीन इमारतीच्या बांधकामाचा प्रगतीचा आढावा घेतला. यावेळी भाजप गोवा प्रदेशाध्यक्ष दामू नाईक, कोषाध्यक्ष संजीव देसाई, माजी आमदार आणि भाजप गोवा आयटी सेलचे समन्वयक सिद्धार्थ कुंकलिएंकर उपस्थित होते

ऑल इंडिया ट्रेड युनियन काँग्रेसने सरकारच्या कामगारविरोधी धोरणांविरुद्ध निदर्शने केली. एस्मा मागे घेण्याची आणि संप सामूहिक ट्रेड युनियन अधिकारांचे संरक्षण करण्याची मागणी केली. सर्वसामान्य कामगारांना १२ लाख उत्पन्न करमुक्त केल्याने काही फायदा होणार नाही.जीएसटी द्वारे त्यांची पिळवणूक सुरु आहे: सुहास नाईक

पणजीकडे जाणाऱ्या एका कारने अचानक उजवीकडे वळण घेत आगाशी येथे यू-टर्न घेतला आणि त्याच दिशेने जात असलेल्या एका मिनी टेम्पोलाही टक्कर टाळण्यासाठी अचानक ब्रेक लावावा लागला. परिणामी, धातूच्या चौकोनी नळ्या टेम्पोमधून बाहेर पडल्या. कोणतीही जीवितहानी झाली नाही.

मायना कुडतरी पोलिसांनी अल्पवयीन मुलीवर बलात्कार केल्याप्रकरणी प्लासीडो कोलाको (20) याला अटक केली.