Mapusa Crime Case: कुचेली येथे पूर्व वैमनस्यातून घडलेल्या मारहाण प्रकरणी पोलिसांनी बिहारच्या रहिवाश्याला अटक केल्याची बातमी समोर येतेय. आज म्हणजेच 15 नोव्हेम्बरला आशिष कुमार झा (सध्या रा. कुचेली, म्हापसा गोवा; मूळ उत्तर बिहार) यांनी सुनील कुमार रे (सध्या रा. कुचेली, मूळ बिहार) आपल्यावर वैयक्तिक वैमनस्यातून शिवीगाळ आणि मारहाण करत चॉपरने जीवे मारण्याची धमकी दिल्याची तक्रार दाखल केली होती.

याप्रकरणी पोलिसांनी आरोपीला पकडण्यासाठी पोलीस पथके तयार करून cctv च्या आधारे पाळत ठेवण्यास सुरुवात केली होती.

दरम्यान म्हापसा पोलीस ठाण्याचे पीएसआय सुनील पाटील, एचसी सुशांत चोपडेकर, पीसी प्रकाश पोळेकर, अक्षय पाटील या सर्वांच्या पथकाला आरोपी सुनील कुमार आढळल्यावर त्याच्यावर त्वरीत कारवाई करत त्याला म्हापसा पोलीस ठाण्यात IPC U/Sec 504, 326, 506 (ii) IPC अंतर्गत गुन्हा नोंदवत मारहाण, शिवीगाळ आणि धमक्या देण्याच्या गुन्ह्याप्रकरणी अटक केली.