Goa Fire Case: आज दुपारी नावेली- मांडपा येथे एका परप्रांतीय कामगाराच्या झोपडी वजा घराला भीषण आग लागल्याची घटना घडली असून या लागलेल्या आगीत एकजण किरकोळरित्या भाजलेला असल्याचे वृत्त हाती आले आहे.

या घरातील सिलिंडरचा स्फोट झाल्याने आग लागल्याचे सांगण्यात येतेय. सदर घटनेची माहिती मिळताच अग्निशमन दल घटनास्थळी दाखल होत त्यांनी तात्काळ आग विझवली. सदर कुटुंबीय परप्रांतीय असून 3 ते 4 जण येथे राहत असल्याचे समजतेय.

या घराला माडांच्या झावळ्यांचे छप्पर असल्याने आगीत हे पूर्ण घर जळून खाक झाले. आगीची भीषणता एवढी होती की, या झोपडी वजा घरातील सर्व सामान आगीच्या भक्ष्यस्थानी पडले. झालेल्या नुकसानीचा आकडा समजू शकला नाहीय.