Goa: पश्‍चिम बंगालच्या मुख्यमंत्री (West Bengal CM) तथा तृणमूल काँग्रेसच्या अध्यक्षा ममता बॅनर्जी (TMC President Mamata Banerjee) यांनी शुक्रवारी दुपारी अंत्रुज महालातील प्रसिद्ध मंगेशी येथील श्री मंगेश देवस्थान (Mangeshi Temple), म्हार्दोळ येथील श्री महालसा देवस्थान (Mahalsa Temple) व कुंडई तपोभूमीला (Tapobhumi Kundai) भेट दिली. ममता बॅनर्जी यांनी मंगेशी येथील श्री मंगेश देवाचे तसेच म्हार्दोळ येथील श्री महालसा देवीचे दर्शन घेतले. यावेळी पुजाऱ्यांनी गाऱ्हाणे घालून श्रींचा आशीर्वाद दिला.

कुंडई तपोभूमीलाही बॅनर्जी यांनी भेट दिली व दिवंगत पीठाधीश ब्रह्मानंद स्वामींच्या समाधीचे दर्शन घेतले. त्यानंतर ब्रह्मेशानंद स्वामी यांना ममता बॅनर्जी यांनी शाल व पुष्पहार अर्पण केला. यावेळी तृणमूल काँग्रेसचे राष्‍ट्रीय उपाध्‍यक्ष लुईझिन फालेरो तसेच इतर पदाधिकारी व तपोभूमीचे अध्यक्ष व इतर मान्यवर उपस्थित होते.