Goa Corona Update: गोव्यात कोरोना रूग्णसंख्येत पुन्हा वाढ झाली आहे. सोमवारी नव्यानं नोंद झालेल्या रूग्णांची संख्या अधिक असून, डिस्चार्ज झालेल्यांची संख्या कमी आहे. सोमवारी 429 नमूने तपासण्यात आले, त्यापैकी 20 रूग्ण सकारात्मक आले आहेत. आज दिवसभरात केवळ सहा जणांना डिस्चार्ज देण्यात आला आहे. यासह राज्यातील सक्रिय कोरोना रूग्णांची संख्या पुन्हा शंभरीपार गेली आहे. राज्याचा रिकव्हरी रेट 98.41 टक्के एवढा आहे.

गोवा आरोग्य विभागाच्या (Goa Health Department) वतीने प्रसिद्ध करण्यात आलेल्या आकडेवारीनुसार, गोव्यात सध्याच्या घडीला 102 अॅक्टिव्ह कोरोना रूग्णांवर (Active Corona Cases in Goa) उपचार सुरू आहेत. राज्यात आजवर 2 लाख 58 हजार 726 जणांना कोरोनाची बाधा झाली आहे. त्यापैकी 2 लाख 54 हजार 611 कोरोनामुक्तांना डिस्चार्ज देण्यात आला आहे. राज्यात आजवर राज्यात 4,013 जणांचा कोरोनामुळे मृत्यू झाला आहे.

देशात 17,912 सक्रिय कोरोना रूग्ण

भारतात सध्याच्या घडीला 17,912 सक्रिय कोरोना रूग्णांवर (Active Corona Cases) उपचार सुरू आहेत. गेल्या चोवीस तासांत 1,326 नव्या कोरोना बाधित रूग्णांची नोंद झाली असून, 1,723 बरे झालेल्यांना डिस्चार्ज देण्यात आला आहे. देशाचा रिकव्हरी रेट 98.78 टक्के एवढा आहे. देशात आजवर 219.63 कोटी नागरिकांना कोरोना प्रतिबंधात्मक लस घेतली आहे. त्यापैकी, 95.02 कोटी नागरिकांनी दुसरा डोस घेतला आहे. तर, 22.08 कोटी नागरिकांनी सुरक्षात्मक डोस घेतले आहेत. (Covid-19 Cases in India)