नागाळी ताळगाव येथील रहिवासी द्रोपदी तिवरेकर ज्यांना समाज कल्याण विभागाने द्रोपदी तिवरेकर मृत घोषित केले होते. नातेवाईक शेखर कुट्टीकर यांनी नाराजी व्यक्त केली आहे. डिसेंबर 2024 पासून त्यांना सामाजिक सुरक्षा योजनेअंतर्गत जे 2000 खात्यामध्ये दिले जातात ते न आल्याने त्यांनी आवाज उठवला.

सरकारी हायस्कुल गांजे व सरकारी हायस्कुल शेळप- खुर्द मध्ये आंतरराष्ट्रीय योगादिन साजरा. मुख्याध्यापक रंजिता प्रभूसह शिक्षक व विध्यार्थ्याची योग प्रत्यक्षिके.

म्हापशाचे आमदार जोशुआ डिसोझा आणि बाजार समितीने मुख्यमंत्री डॉ. प्रमोद सावंत यांची भेट घेतली आणि ४ प्रमुख मुद्द्यांवर चर्चा केली.

जवानांकडून योगा. डिचोलीच्या अग्निशमन दलातर्फे आंतरराष्ट्रीय योग दिन साजरा. अधिकाऱ्यांसह जवानांकडून योग प्रात्यक्षिके.

सत्तरीतील सावर्डे पंचायत क्षेत्रातील करंझोळ गावचे लोक घेणार एफआरसीचा लाभ. एफआरसी अंतर्गत जमिनींच्या सनदी नको म्हणून आधी लोकांनी दिले होते लेखी. मात्र शनिवारी झालेल्या खास ग्रामसभेत गैरसमज दूर झाल्याने आता लोकांची एफआरसीसाठी तयारी. एफआरसीसाठीचे नोडल अधिकारी डॉ.अजय गावडे यांना गावात येऊन जागृती करण्यासंबंधी गावकऱ्यांची विनंती.

गोव्याचे राज्यपाल श्री. पी. एस. श्रीधरन पिल्लई यांनी राजभवनातील जुन्या दरबार हॉलमध्ये "एक पृथ्वी, एक आरोग्यासाठी योग" या जागतिक थीम अंतर्गत ११ व्या आंतरराष्ट्रीय योगदिनानिमित्त योग सत्राचे नेतृत्व केले. राजभवन गोव्याचे अधिकारी आणि कर्मचारी यांनी राजभवन येथे योग केले.

वन हक्क संबंधित खास ग्रामसभा ठाणे डोंगुर्लि आणि नगरगाव पंचायतीतर्फे ब्रम्हकरमळी येथे संपन्न. मंजूर झालेले अर्ज आता सनदीच्या प्रतिक्षेत.

गोवा विधानसभेचे पावसाळी अधिवेशन 15 दिवसांचे होणार आहे. अधिवेशन जुलैच्या 21 तारखेपासून सुरू होणार आहे. ता. 8 ऑगस्ट रोजी संपणार आहे. अधिसूचना जारी

शुक्रवारी रात्री कुडचडेमधील एका व्यावसायिकाच्या कुटुंबावर पुरुषांच्या एका गटाने हल्ला केला. आरोपीने व्यावसायिकाच्या आठ महिन्यांच्या गर्भवती बहिणी, आई, वडील आणि धाकट्या बहिणीवर हल्ला केल्याचा आरोप आहे.

गोव्यात सर्वच ठिकाणी आंतरराष्ट्रीय योग दिवस उत्साहात साजरा करण्यात आला. मुख्यमंत्री प्रमोद सावंत यांना श्यामा प्रसाद मुखर्जी क्रीडा संकुलात आयोजित करण्यात आलेल्या राज्य स्तरीय योग दिनाच्या कार्यक्रमात सहभाग घेत, योग साधना केली.

भाजप २०२७ च्या विधानसभा निवडणुकीत गोव्यात एकहाती सत्ता मिळवण्यासाठी प्रयत्न करणार आहे. २०२७ ला २७ जागी विजय मिळवण्याचा निर्धार भाजपने केला आहे. विजय सरदेसाई यांचा बालेकिल्ला असलेल्या फातोर्डात  २०२७ ला कमळ फुलणार असा निर्धार मुख्यमंत्री प्रमोद सावंत यांनी बोलून दाखवला आहे.