गोव्यात येत्या दोन दिवसांत मुसळधार पावसाची शक्यता गोवा हवामान खात्याने वर्तवली आहे. शनिवारी आणि रविवारी (दि.20, 21 ऑगस्ट) गोव्यातील काही भागांत पावसाच्या जोरदार सरी कोसळतील. बंगालच्या उपसागर आणि उत्तरपूर्व भागात कमी दाबाचा पट्टा तयार झाला असून, त्याचा परिणाम दिसून येऊ शकतो.

गोव्यातील दक्षिण पश्चिम मान्सूनचा जोर ओसरला आहे, गोव्यातील काही भागात मध्यम ते जोरदार पाऊस झाला आहे. येत्या दोन तीन दिवसांत उत्तर आणि दक्षिण गोव्यात मध्यम स्वरूपाचा तर, काही भागात जोरदार पावसाची शक्यता आहे. तसेच, येत्या 23 ऑगस्ट पर्यंत कोणताही हवामान संबधित इशारा हवामान खात्याने वर्तवलेला नाही.

दरम्यान, मागील काही दिवसांत कोणकोण, म्हापसा, पेडणे, फोंडा, साखळी, वाळपोई, दाबोळी, मुरगाव, सांगे भागात मध्यम ते जोरदार पावसाच्या सरी कोसळल्या आहेत.