Goa Liberation Day 2023: गोवा मुक्ती दिनानिमित्त भारतीय नौदलाने (Indian Navy) गोवा सरकारला देशातील अत्याधुनिक स्टेल्थ-गाइडेड क्षेपणास्त्र नाशक INS मुरगाव मॉडेल भेट दिली.
गोवा मुक्ती दिनाच्या पूर्वसंध्येला वास्कोतील मुरगाव बंदरात सोमवारी सायंकाळी हा कार्यक्रम पार पडला.
यावेळी मुख्यमंत्री डॉ. प्रमोद सावंत, पश्चिम नौदल कमांडचे फ्लॅग ऑफिसर कमांडिंग इन चीफ व्हाइस अॅडमिरल दिनेश के. त्रिपाठी यांच्यासह अधिकारी उपस्थित होते.
अधिकाऱ्यांनी सांगितले की, 30 फूट लांबीची ही नौका वास्को शहरात प्रदर्शनासाठी ठेवण्यात येणार आहे.
यावेळी उपस्थितांना संबोधित करताना मुख्यमंत्री सावंत म्हणाले की, या युद्धनौकेतील स्वदेशी सामग्री 75 टक्के आहे. जी विनाशिकांच्या आधीच्या श्रेणीपेक्षा लक्षणीय अशी प्रगती आहे. आयएनएस मुरगाव मेक इन इंडियाचा खरा आत्मा आहे.
या नौकेने स्वावलंबी भारत होण्याच्या आमच्या प्रयत्नांना मूर्त रूप दिले आहे. जहाजाचा गोव्याशी असलेला संबंध राज्याच्या वाढत्या सागरी योगदानाचे आणि भारताच्या तांत्रिक पराक्रमाचे प्रतीक आहे.
मुख्यमंत्री सावंत म्हणाले की, 18 डिसेंबर रोजी ऑपरेशन विजयला 61 वर्षे पूर्ण झाली. आज गोवा मुक्ती दिनाची पूर्वसंध्या आहे.
ऑपरेशन विजय गोवा नावाच्या लष्करी कृतीनंतर पोर्तुगीज राजवटीपासून मिळालेल्या स्वातंत्र्याच्या स्मरणार्थ 19 डिसेंबर रोजी गोवा मुक्ती दिन साजरा केला जातो. गोव्याच्या स्वातंत्र्यात भारतीय नौदलाने महत्त्वाची भूमिका बजावली.
तिरंगी सेवा ऑपरेशनचा एक भाग म्हणून नौदलाचा सहभाग पहिल्यांदाच गोवा ऑपरेशन होता.
INS मुरगाव ही भारतीय नौदलाची P15B कॅटेगरीतील दुसरी युद्धनौका आहे. ही नौका गायडेड क्षेपणास्त्र विनाशक आहे. मुंबईतील नेव्हल डॉकयार्ड येथे या नौकेची उभारणी केली गेली आहे.
हे जहाज 17 सप्टेंबर 2016 रोजी लाँच करण्यात आले आणि 19 डिसेंबर 2021 रोजी गोवा मुक्ती दिनानिमित्त सागरी चाचण्या सुरू केल्या.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.