पणजी: गोवा लेजिस्लेटिव डिप्लोमा दुरुस्ती विधेयकाला विरोधकांनी विरोध करूनही ते सरकारने जबरदस्तीने मंजूर करून घेतले आहे. हे विधेयक लोकांना फसविण्यासाठी आणले आहे, असे सांगत विरोधकांनी विधानसभेसमोरील अशोक स्तंभाजवळ बसून सरकारचा निषेध केला.

गोवा लेजिस्लेटिव डिप्लोमा दुरुस्ती विधेयक महसूलमंत्री बाबूश मोन्सेरात यांनी मांडले. त्याला विरोधकांनी सुरुवातीपासून आक्षेप घेतला. ते विधेयक मंजूर केल्याने त्यावर युरी आलेमाव म्हणाले, यापूर्वी राज्यात कोमुनिदाद म्हणजे गावकरी पद्धत होती, ती मोडीत काढण्याचा प्रयत्न आहे.

राज्यातील जनतेने हे सर्व पाहिले आहे. त्यामुळे आमचा या विधेयकाला विरोध आहे. ज्या पद्धतीने लोकशाहीच्या मार्गाने चर्चा न होता ते विधेयक बहुमताने मंजूर केले आहे. आमदार बोरकर म्हणाले, गावकरी पद्धतीला पोर्तुगिजांनी कोमुनिदाद नाव दिले. पुढच्या पिढीसाठी जागा राखण्याचे काम या कोमुनिदादने केले.

सरकार गोंयकारांसाठी आम्ही हे विधेयक आणत आहोत; पण मूळ गोंयकार कोण हा मूळ प्रश्न आहे. स्वराज्य संस्थांच्या निवडणुका आल्या आहेत, त्यासाठी हा सरकारचा प्रयत्न आहे. या विधेयकाचा फायदा बाहेरच्या लोकांना फायदा होणार आहे, आमचे घर ही मोहीम सरकार म्हणत असून, त्यात ९५ टक्के बाहेरील लोकांना भेट दिली आहे, अशी टीका त्यांनी केली.

यातून त्यांनी व्होट बँक मजबूत करण्याचा सरकारचा हा प्रयत्न असल्याचे ते म्हणाले. याप्रसंगी आमदार विजय सरदेसाई म्हणाले की, सरकारने दादागिरी करून सरकारने हे विधेयक मांडले आहे. जनतेच्या न्यायालयात आम्ही याविषयी दाद मागू. सरकार या विधेयकाच्या मागून कोणाला लाभ मिळवून देणार आहे हे जनतेने आता लक्षात घ्यावे, असेही त्यांनी नमूद केले.