Amit Patkar About Goa CRZ Land Scam News

पणजी: परप्रांतीय धनाढ्य लोकांना आणि दिल्लीस्थित लँड शार्कला फायदा मिळवून देण्यासाठी डीएसएलआर आणि सीआरझेडच्या नियमांमध्ये छेडछाड करून राज्याची ओळख नष्ट करण्याचा भाजप सरकारचा प्रयत्न सुरू आहे.

मच्छीमार, शॅकमालक आणि किनारपट्टीतील जमीन सरकारने या लोकांच्या घशात घातल्याचा आरोप काँग्रेसचे प्रदेशाध्यक्ष अमित पाटकर यांनी केला आहे. किनारपट्टीवर अनधिकृत बांधकामांना परवानगी देताना नियमांना फाटा देण्यात आला आहे.

त्याशिवाय बेकायदेशीर फसवे बदल करून ते अधिकृत कसे केले? असा सवाल करीत पाटकर यांनी प्रसिद्धीस दिलेल्या पत्रकात म्हटले आहे की, डीएसएलआर आणि पर्यावरण विभाग अधिकारी जॉन्सन फर्नांडिस यांना अचानक का हटवण्यात आले? भाजप सरकारमधील कोणाचा या घोटाळ्यात संबंध आहे?

कोणतेही डिजिटल रेकॉर्ड नाही - बेस प्लॅनमध्ये केलेल्या बदलांसाठी कोणतेही डिजिटल स्टॅम्प का उपलब्ध नाहीत? सरकार काय लपवू पाहात आहे, असेही पाटकर म्हणाले.