Who is Svetlana Varganova arrested in Goa International Drug Cartel

गोवा आणि रशियन नागरिक, रशियन पर्यटकांचे वेगळे नाते गेल्या अनेक वर्षात निर्माण झाले आहेत. त्यामुळे गोवा हे रशियन्ससाठी दुसरे घर आहे, असे म्हटले तर अतिषयोक्ती ठरू नये. अनेक रशियन्स गोव्यात सनबाथसाठी, गोवा फिरण्यासाठी नियमित येत असतात.

गोव्यातील अनेक समुद्र किनाऱ्यांवर वर्षभर रशियन्सचा वावर असतो. अर्थात यातील काहींचा सहभाग गोव्यातील ड्रग्ज कार्टेलमध्ये असल्याचेही अलीकडच्या काळात वारंवार समोर आले आहे. त्यातीलच नवे आणि धक्कादायक नाव शनिवारी समोर आले आहे.

शनिवारी गोव्यातील नार्कोटिक्स कंट्रोल ब्युरो (NCB) च्या गोवा युनिटने आंतरराष्ट्रीय ड्रग्ज कार्टेल्सच्या विरोधात मोठी कारवाई करताना एका रशियन महिला जलतरणपटूला ताब्यात घेतले आहे.

कोण आहे स्वेतलाना?

एनसीबीने अटक केलेल्या खेळाडूचे नाव स्वेतलाना वर्गानोव्हा असे आहे. ती जलतरणपटू असून रशियासाठी तिने जलतरण स्पर्धांमध्ये आंतरराष्ट्रीय स्तरावर प्रतिनिधित्व केले आहे. 1980 च्या समर ऑलिंपिक स्पर्धेत तिने जलतरणात रौप्यपदक पटकावले होते. तिने 200 मीटर ब्रेस्टस्ट्रोक प्रकारामध्ये रौप्यपदक जिंकले होते. तेव्हा तिने 2:29.61 सेकंद अशी वेळ नोंदवली होती. तिचा जन्म 19 नोव्हेंबर 1964 रोजी झाला आहे. वर्गानोव्हा हीने काही काळ रशियाच्या पोलिस दलातही काम केल्याचे सांगितले जाते.

कोण आहे आंद्रे?

आंद्रे हा देखील रशियाचा असून तो रशियातील निवृत्त पोलीस कर्मचारी असल्याचे समजते.

गोव्यात या टोळीची अशी होती मोडस ऑपरेंडी?

आंद्रे हा गोव्यात यायचा. त्याने गोव्यातील विविध भागांमध्ये फिरुन स्वत: चे नेटवर्क तयार केले. गोव्यातील स्ट्रीट पेडलर त्याच्या संपर्कात असायचे. स्वेतलाना आणि आकाश हे दोघेही आंद्रेसाठी काम करायचे. स्वेतलाना ही फक्त परदेशी पर्यटकांच्या संपर्कात असायची. परदेशी पर्यटकांना अमलीपदार्थ विकण्याचं काम स्वेतलानाकडे होतं. तर आकाश हा स्थानिकांच्या संपर्कात होता.