गोव्यात दरवर्षी लागू होणारी मासेमारी बंदी येत्या एक जूनपासून सुरु होणार आहे. 1 जून ते 31 जुलै या काळात ही बंदी असेल. 61 दिवसांच्या या कालावधीत यांत्रिक मासेमारीवर बंदी असणार आहे. मत्स्य व्यवसाय विभागाने याबाबत माहिती दिली आहे.
मत्स्य व्यवसाय विभागाच्या माहितीनुसार, 61 दिवसांच्या बंदी कालावधीत यांत्रिक साधने बसवलेल्या जहाजांद्वारे मासेमारी आणि ट्रॉल-नेट आणि पर्स-सीन नेटद्वारे मासेमारी करण्यास मनाई असेल.
दरम्यान, 10 HP पर्यंत क्षमतेच्या आऊटबोर्ड किंवा इनबोर्ड मोटर्सने सुसज्ज असलेल्या नोंदणीकृत मोटार कॅनोला यातून सूट देण्यात आली आहे. मात्र, त्यांना मासेमारीसाठी गिल जाळी वापरणे बंधनकारक असेल. मत्स्यव्यवसाय संचालक डॉ. शमिला मॉन्टेरो यांनी याबाबत आदेश जारी केला आहे.
गोव्यातील किनारपट्टीवर माशांच्या प्रजननासाठी पुरेसा वेळ मिळावा, या उद्देशाने दरवर्षी राज्यात 61 दिवसांसाठी मासेमारीवर बंदी घातली जाते. तसेच, मासळीचे संवर्धन करण्यासाठी यांत्रिक साधनांनी मासेमारीस मनाई केली जाते.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.