पणजी: गोव्यातील वातावरणात अचानक बदल झाला असून, पूर्वेकडील वाऱ्यांमुळे कमाल आणि किमान तापमान दोन अंश जास्त असेल, असा अंदाज भारतीय हवामानशास्त्र विभागाने (IMD) शुक्रवारी आपल्या अहवालात मांडले आहे. (goa IMD forecasts hot weather in state for next two days)

“गेल्या दोन दिवसांच्या तुलनेत पुढील दोन दिवस तापमानात अधिक वाढ होईल, म्हणजेच पुढील दोन दिवस राज्यात (Goa) उष्ण हवामान असेल. त्यानंतर तापमानात सुमारे दोन अंशांनी घसरण होईल,” असे आयएमडीच्या अंदाजातून समोर आले आहे. अंदाजानुसार सुमारे 72 तासांनंतर तापमानात पुन्हा दोन अंशांनी घट होण्याची शक्यता आहे. शुक्रवारी, पणजी (Panjim) येथे सर्वाधिक 30.8 अंश सेल्सिअस तापमानाची नोंद झाली होती, तर दाबोळी येथे 19.7 अंश सेल्सिअस किमान तापमानाची नोंद झाली आहे.