I-League Football Tournament: तृतीय श्रेणी आय-लीग फुटबॉल स्पर्धेत गोव्याच्या धेंपो स्पोर्टस क्लबने मंगळवारी मेघालयाच्या रंगदाजिएद युनायटेडला गोलशून्य बरोबरीत रोखले. यामुळे गोव्यातील संघाने क गटातील अव्वल स्थान कायम राखले. सामना एला-जुने गोवे येथील मैदानावर झाला.

गटात अग्रस्थानी राहिल्यामुळे धेंपो क्लबची स्पर्धेची पुढील फेरीही निश्चित झाली आहे. त्यांनी चार लढतीत तीन विजय व एका बरोबरीसह सर्वाधिक 10 गुणांची कमाई केली. धेंपो क्लबला मंगळवारी बरोबरीचा एक गुण पुरेसा होता. रंगदाजिएद युनायटेडची ही स्पर्धेतील दुसरी बरोबरी ठरली.

त्यामुळे त्यांचे चार लढतीनंतर आठ गुण झाला व गटात दुसरा क्रमांक मिळाला. या गटात कर्नाटकच्या किकस्टार्ट एफसीचे चार लढतीतून सात गुण, तर जेप्पियार इन्स्टिट्यूट संघाने तीन गुण झाले. मिल्लात एफसी संघाला चारही सामन्यांत पराभूत व्हावे लागले.

आय-लीगच्या तृतीय श्रेणीत गोव्याचा आणखी एक संघ स्पोर्टिंग क्लब द गोवाने चार सामन्यांत 10 गुण नोंदवत 'अ' गटातून पुढील फेरी यापूर्वीच गाठली आहे.