दाबोळी: गोवा ते हैदराबाद फ्लाइटमध्ये प्रवाशाने ओव्हर विंग एक्झिटमध्ये छेडछाड केल्याप्रकरणी प्रवाशाविरोधात गुन्हा नोंद करण्यात आला आहे. प्रवाशांचा जीव धोक्यात घातल्याप्रकरणी पोलिसांनी कारवाई केली आहे.

मिळालेल्या माहितीनुसार, इंडिगो एअरलाइन्सच्या गोवा ते हैदराबाद फ्लाइटमधील एका प्रवाशाने विमानाच्या ओव्हर विंग एक्झिट पीएलए कार्डमध्ये छेडछाड करून प्रवाशांचा जीव धोक्यात घातला. दाबोळी पोलिसांनी याप्रकरणी कारवाई करत येंदुरी पवन कल्याण (रा. आंध्र प्रदेश) याच्या विरोधात गुन्हा नोंद केला आहे.

प्रवाशाने ओव्हर विंग एक्झिटसोबत छेडछाड केल्यानंतर एअरलाइन्सच्या अधिकाऱ्यांनी दाबोळी पोलिसांकडे तक्रार केली. तक्रारीनंतर पोलिसांनी प्रवाशाविरोधात कारवाई केली.