पिसुर्ले: पंचायतीच्या (Panchayat) कुंभारखण प्रभागात येणाऱ्या डोबवाडा येथिल धनगर समाज बांधवांच्या वाड्यावर होंडा जिल्हा पंचायत सदस्य सगुण वाडकर यांच्या प्रयत्नाने जानु वरक यांच्या घराजवळ असलेला रस्ता तसेच गटार बांधकामाचा शुभारंभ आज रोजी जिल्हा पंचायत सदस्य सगुण वाडकर यांच्या हस्ते करण्यात आला.

सदर वाड्यावर रस्ता व गटाराची व्यवस्था नसल्याने नागरिकांची गैरसोय होत होती, यांची दखल पिसुर्ले पंचायतीने घेऊन या वाड्यावर रस्ता तसेच गटार योजना मार्गी लावण्याचा प्रस्ताव होंडा जिल्हा पंचायत (District Panchayat) सदस्य सगुण वाडकर यांच्या सहकार्याने उत्तर गोवा जिल्हा पंचायती कडे पाठवला होता त्याला मंजुरी मिळून सदर कामाचा शुभारंभ करण्यात आला आहे.

यावेळी कुभांरखण प्रभागाचे पंच सदस्य हिराबाराव दिपाजी राणे सरदेसाई, खादी ग्रामोद्योग मंडळाचे उपाध्यक्ष दिपाजी राणे सरदेसाई, कंत्राटदार प्रशांत नाईक, स्थानिक रहिवासी जानू वरक आदी मान्यवर उपस्थित होते.