राज्यातील विविध भागात गेल्या काही दिवसांपासून अवकाळी पावसाने हजेरी लावली आहे. वादळीवाऱ्यासह पडणाऱ्या या पावसामुळे अनेक भागामध्ये झाडे व विजेचे खांब रस्त्यावर व घरावंर पडण्याची घटना घडल्या आहेत.
गेल्या 15 दिवसांत (04 ते 19 मे) या काळात पावसाळामुळे झालेल्या पडझडीचे अग्निशमन दलाला 130 कॉल्स आले आहेत. या पावसामुळे सुमारे 26.29 लाखांचे नुकसान झाले
असून सुमारे 33.76 लाखांची मालमत्ता वाचवण्यात दलाच्या जवानांना यश आले असल्याची माहिती खात्याच्या अधिकाऱ्यांनी दिली. रविवारी (दि.19) संध्याकाळी पाऊस सुरू झाला तेव्हा 11 कॉल्स आले. मात्र, मोठीशी हानी झालेली नाही.
पावसाबरोबर वादळीवारे नसल्याने मोठ्या प्रमाणात पडझड झाली नाही. काही दिवसांपूर्वी राज्यात वादळीवाऱ्यासह पाऊस पडला होता. त्यावेळी रस्त्यावर झाडे व विजेचे खांब मोडून पडले होते.
आगीव्यतिरिक्त घटनांचे 422 कॉल्स
पंधरा दिवसात पावसाळ्यामुळे झालेल्या हानीशिवाय आगीचे तसेच इतर घटनांचे 422 कॉल्स आले. त्यातील अर्धे कॉल्स हे पावसाशी संबंधित होते. नियंत्रण कक्षाकडे गेल्या 24 तासात 14 कॉल्स आले, त्यात 07 आगीचे तर 07 आपत्कालिन होते. पावसामुळे हानीचा एकही कॉल नोंद नाही.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.