पणजी: राज्य हवामान विभागाने वर्तविलेल्या अंदाजानुसार, रविवारी दिवसभर राज्यभर मुसळधार पावसाने हजेरी लावली. यंदाच्या मान्सून हंगामात १ जून ते १७ ऑगस्टच्या सकाळपर्यंत ८७.२९ इंच पावसाची नोंद झाली होती.
रविवारी दिवसभर पाऊस कायम राहिल्याने पावसाने इंचांची ९० पार केली असून, सोमवारीही हवामान विभागाने पावसाचा ऑरेंज अलर्ट कायम ठेवला आहे. त्यामुळे सोमवारीही मुसळधार पावसाची शक्यता आहे.
तथापि, आतापर्यंत वाळपई, धारबांदोडा, केपे आणि सांगे या चार केंद्रांवर पावसाने इंचांची शंभरी पार केली आहे. दरवर्षीच्या तुलनेत यंदा राज्यात मान्सूनपूर्व पावसाचे प्रमाण अधिक राहिले. त्यानंतर अंदाजाच्या बारा दिवस आधीच मान्सून गोव्यात दाखल झाला. राज्यात दाखल झाल्यानंतर सुरुवातीच्या काही दिवसांत मान्सूनच्या पावसाने राज्यभर हजेरी लावली.
त्यानंतर काही दिवस पावसाने दडी मारली. गेल्या काही दिवसांपासून अरबी समुद्रात कमी दाबाचा पट्टा निर्माण झाला होता. त्यामुळे पुढील काही दिवस राज्यात मुसळधार पाऊस पडण्याचा अंदाज वर्तवत हवामान विभागाने शनिवारी दोन दिवसांसाठी ‘ऑरेंज’ आणि त्यापुढील चार दिवसांसाठी ‘यलो अलर्ट’ जारी केला होता.
त्यानुसार सकाळपासूनच राज्यात पावसाने हजेरी लावली. त्यामुळे वाळपई, डिचोली आदी भागांमध्ये पडझडीच्या किरकोळ घटना घडल्या. तर, काही भागांत मुख्य आणि अंतर्गत रस्त्यांवर पाणी साचल्याने वाहतुकीस अडथळे निर्माण झाले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.