Goa Taxi Young Entrepreneur Scheme: येत्या वर्षभरात राज्यातील एक हजार बेरोजगार युवकांना टॅक्सी देणार अल्याची माहिती वाहतूकमंत्री माविन गुदिन्हो यांनी जाहीर केले आहे. युवकांना व्यवसाय करून स्वाभिमानाने जगता येईल असे गुदिन्हो म्हणाले.

'गोंयचो टॅक्सी पात्रांव' योजनेअंतर्गत एक हजार टॅक्सी उपलब्ध केल्या जातील. योजनेत टॅक्सी खरेदी करताना बँक प्रक्रिया तसेच, अन्य सुरूवातीच्या खर्च मिळून 01 लाख 20 हजार रूपये भार कंपनी उचलणार आहे. त्यानंतर कर्जाचा हप्ता टॅक्सीमालकाला त्याच्या उत्पन्नातून भरावा लागेल. असे वाहतूकमंत्री माविन गुदिन्हो म्हणाले.

नव्या टॅक्सी सीएनजी किवा इलेक्ट्रिक असतील असे गुदिन्हो यांनी स्पष्ट केले.

कदंब सार्वजनिक वाहतूक सेवा विस्कळीत आहे. तसेच, खासगी बसेसचे काम बेभरवश्याचे आहे. त्यामुळे गावागावतून शेअर टॅक्सी सेवा सुरू केली जाईल असे माविन गुदिन्हो म्हणाले.

मोपामुळे दाबोळी विमानतळावर परिमाम होईल अशी देखील एक शंका उपस्थित केली जात होती. पण, सध्या दोन्ही विमानतळ जोमात सुरू आहेत. त्यामुळे प्रवासी संख्या देखील वाढली आहे.

टॅक्सीसाठी काय आहेत अटी

टॅक्सीसाठी अर्ज करणारा अर्जदार गोमंतकीय असावा. तसेच, अर्जदाराकडे आधारकार्ड आणि मतदान ओळखपत्र असावे.