Goa govt finalises land for IIT: गेल्या काही वर्षांपासून आयआयटी गोवा तात्पुरत्या कॅम्पसमध्ये कार्यरत आहे. तथापि, आता गोवा राज्य सरकारने इंडियन इन्स्टिट्यूट ऑफ टेक्नॉलॉजी (IIT) गोव्याचा कायमस्वरूपी कॅम्पस उभारण्यासाठी जमिन निश्चित केली आहे.

राज्याचे समाजकल्याण मंत्री सुभाष फल देसाई यांनी आयआयटी गोवाच्या प्रकल्पस्थळाबाबत पीटीआयला माहिती दिली.

मंत्री फळदेसाई म्हणाले की, आयआयटी गोवा प्रकल्पासाठी राज्याची राजधानी पणजीपासून 80 किलोमीटर अंतरावर असलेल्या दक्षिण गोव्यातील रिवण गावात भूखंड निश्चित करण्यात आला आहे.

राज्य सरकारने गेल्या आठवड्यात जमिनीबाबत निर्णय घेतला. रिव्हण येथील ही जमीन 1 दशलक्ष चौरस मीटर इतकी आहे जी प्रकल्पासाठी योग्य आहे. त्यामुळे तिथे IIT कॅम्पससाठी आवश्यक पायाभूत सुविधा निर्माण करणे योग्य ठरणार आहे.

ते म्हणाले, याआधीचे आयआयटी विरोधात झालेले आंदोलन पाहता सरकारने काही पावले आता उचलील आहेत. यावेळी आम्ही सर्व स्थानिकांना विश्वासात घेतले आहे. त्यांनी आम्हाला प्रकल्पासाठी मदत करण्यासाठी पुढाकार घेतला आहे.

आयआयटी कॅम्पसच्या स्थापनेमुळे परिसराचा विकास होण्यास मदत होईल.

या प्रकल्पासाठी जागा शोधताना यापूर्वी राज्य सरकारला दोनवेळा लोकांच्या रोषाला सामोरे जावे लागले होते. जानेवारी 2021 मध्ये, उत्तर गोव्याच्या सत्तरी तालुक्यातील शेल-मेळवली गावात झालेल्या निषेधानंतर, प्रस्तावित IIT गोवा कॅम्पस प्रकल्प दुसरीकडे हलविण्याचा निर्णय झाला.

त्यानंतर सरकारने कुठ्ठाळी येथे दुसरी जागा ठरवली होती. पण तिथेही स्थानिक लोकांचा विरोध झाला. त्यामुळे तिथे कॅम्पस उभारण्याचा विचार सोडून देण्यात आला होता.