अत्यंत महत्वाच्या लोकांसाठी (VIP) गोवा सरकार (Goa Government) बुलेटप्रूफ वाहने (Bulletproof vehicles) देणार आहेत. राज्य मंत्रिमंडळाने दोन टोयोटा फॉर्च्युनर कार बुलेट प्रूफ गिअरसह तयार करण्याचा ठराव मंजूर करण्यात आल्याचे मुख्यमंत्री डॉ. प्रमोद सावंत (CM Pramod Sawant) यांनी सांगितले.

मुख्यमंत्री म्हणाले, "आम्ही दोन टोयोटा फॉर्च्युनर्स बुलेट प्रूफिंगसह रेट्रो-फिटिंग करत आहोत. गोवा सरकारकडे बुलेट प्रूफ वाहने नव्हती. पण आता सरकारकडे स्वत:ची बुलेट प्रूफ वाहने असणार आहे. त्याला कॅबिनेटमध्ये मंजुरी देखील देण्यात आली आहे. गोवा पोलिसांशी संबंधित दोन वाहने बुलेट प्रूफ आउटफिटिंगसाठी पाठवली जात आहेत. ही वाहने व्हीआयपी लोकांसाठी वापरली जातील.

या आधी राज्यात येणाऱ्या व्हीआयपी आणि व्हीव्हीआयपींच्या सुरक्षित हालचाली सुलभ करण्यासाठी शेजारच्या कर्नाटक आणि महाराष्ट्रातील सुरक्षा संस्थांकडून बुलेट प्रूफ वाहने मागवली जात होती. मात्र आता गोवा सरकारकडे स्वत:ची वाहने येत असल्याने यापुढे राज्यात येणाऱ्या व्हीआयपी आणि व्हीव्हीआयपींच्या सुरक्षेचा प्रश्न मार्गी लागणार आहे.