पणजी: सरकारने राज्यातील वैद्यकीय शिक्षणाच्या क्षेत्रात एक महत्त्वपूर्ण पाऊल उचलले असून आर्थिकदृष्ट्या दुर्बल घटकातील म्हणजेच ईडब्‍ल्यूएस गटातील विद्यार्थ्यांना मोठा दिलासा दिला आहे. गोवा वैद्यकीय महाविद्यालय आणि गोवा दंत महाविद्यालयात शिक्षण घेणाऱ्या ईडब्‍ल्यूएस प्रवर्गातील विद्यार्थ्यांना आता शैक्षणिक शुल्कात सवलत मिळणार आहे. ही सवलत अनुसूचित जाती (एससी) आणि अनुसूचित जमाती (एसटी) प्रवर्गातील विद्यार्थ्यांना मिळणाऱ्या सवलतींच्या धर्तीवरच लागू असेल, अशी घोषणा मुख्यमंत्री डॉ. प्रमोद सावंत यांनी केली आहे.

या संबंधीचे पत्रक आरोग्य विभागाचे संयुक्त सचिव प्रणव भट यांनी जारी केले आहे.या निर्णयामुळे ईडब्ल्यूएस विद्यार्थ्यांनाही एससी आणि एसटी विद्यार्थ्यांप्रमाणेच शुल्क सवलतीचा लाभ घेता येईल. आर्थिक परिस्थितीमुळे कोणत्याही गुणवंत विद्यार्थ्याचे वैद्यकीय शिक्षणाचे स्वप्न अपूर्ण राहू नये, हा या निर्णयाचा मुख्य उद्देश आहे.

या निर्णयामुळे राज्यातील गरीब कुटुंबातील विद्यार्थ्यांना दर्जेदार आणि उच्च शिक्षण घेणे अधिक सुलभ होणार आहे.सरकारने राज्यातील वैद्यकीय शिक्षणाच्या क्षेत्रात एक महत्त्वपूर्ण पाऊल उचलले असून आर्थिकदृष्ट्या दुर्बल घटकातील म्हणजेच ईडब्‍ल्यूएस गटातील विद्यार्थ्यांना मोठा दिलासा दिला आहे.

गोवा वैद्यकीय महाविद्यालय आणि गोवा दंत महाविद्यालयात शिक्षण घेणाऱ्या ईडब्‍ल्यूएस प्रवर्गातील विद्यार्थ्यांना आता शैक्षणिक शुल्कात सवलत मिळणार आहे. ही सवलत अनुसूचित जाती (एससी) आणि अनुसूचित जमाती (एसटी) प्रवर्गातील विद्यार्थ्यांना मिळणाऱ्या सवलतींच्या धर्तीवरच लागू असेल, अशी घोषणा मुख्यमंत्री डॉ. प्रमोद सावंत यांनी केली आहे. या संबंधीचे पत्रक आरोग्य विभागाचे संयुक्त सचिव प्रणव भट यांनी जारी केले आहे.

आमचे सरकार प्रत्येकासाठी परवडणारे आणि सर्वसमावेशक वैद्यकीय शिक्षण उपलब्ध करून देण्यासाठी वचनबद्ध आहे. या निर्णयामुळे आर्थिकदृष्ट्या मागास असलेल्या गुणवंत विद्यार्थ्यांना कोणत्याही आर्थिक ओझ्याशिवाय आपली शैक्षणिक स्वप्ने पूर्ण करता येतील आणि ते राज्याच्या प्रगतीत योगदान देऊ शकतील.

- डॉ. प्रमोद सावंत, मुख्यमंत्री