पणजी: गोव्यातील वायू प्रदूषण कमी करण्याच्या हेतूने राज्य सरकारने केंद्राकडे 1200 इलेक्ट्रिक बसेसची मागणी केली आहे. याबाबत बोलताना परिवहन मंत्री माविन गुदिन्हो म्हणाले, राज्यातील सार्वजनिक वाहतूक व्यवस्थेत सुधार करण्याची गरज आहे. (Electric Buses in Goa Latest News)

केंद्र सरकार (Central Government) आम्हाला 250 इलेक्ट्रिक बसेस देत आहे. मात्र मी 1,200 बसेसची मागणी केली आहे.

ते पुढे म्हणाले, "इलेक्ट्रिक बसेसच्या वापरामुळे प्रदूषण कमी होईल. गोव्यात (Goa) सर्वोत्तम वाहतूक व्यवस्था बनवण्याची माझी इच्छा आहे. सार्वजनिक वाहतूक व्यवस्थेत सुधारणा करण्याची गरज आहे. पुढील सरकार राज्यातील सार्वजनिक वाहतूक व्यवस्था सुधारेल. आम्ही कोरोनामुळे दोन वर्षे गमावली आहेत. आम्ही 3 वर्षात केलेल्या कामाचे लोकांनी (People) मूल्यमापन करावे."