Margao: 16 हजार लिटर मोफत पाणी (16000 Ltr Free Water) ही सरकारची घोषणा निव्वळ धूळफेक असून असे मोफत पाणी देण्याऐवजी घरटी एक नोकरी देऊन लोकांना आर्थिक संकटातून बाहेर काढावे अशी मागणी काँग्रेस नेते एल्विस गोम्स (Congress Leader Elvis Gomez) यांनी केली आहे. लोकांना मोफत पाण्याची गरज नाही रोजगाराची गरज आहे. मोफत पाणी हा आणखी एक निवडणूक जुमला (Falsehood) असून जरी हे पाणी मिळाले तरी सामान्य लोकांना दर महिना 61 रुपयांपेक्षा अधिक फायदा होणार नाही असे गोम्स यांनी म्हटले आहे. (Goa)

गोव्यात जे लोक दर महिन्याला सरासरी 27,000 लिटर पाणी वापरतात. दर दिवशी हे प्रमाण 900 लिटर पडते. राज्यात कोविडमुळे लोकांची आर्थिक कोंडी झाली होती त्यावेळी सरकारने पाणी शुल्कात 70 टक्के तर नवीन जोडणी घेण्यासाठी 100 शुल्कवाढ केली. हे दर वाढविण्यापूर्वी या सरासरी पाण्याच्या वापराचे बिल 146 रुपये यायचे ते आता 256 रुपये येणार त्यात 16 युनीटची सूट पकडल्यास हे बिल आता 195 रुपये होईल. त्यामुळे प्रत्यक्षात लोकांना फक्त 61 रुपयांचाच फायदा होणार. भाजपने ही खरी गोष्ट लोकांना सांगावी असे गोम्स यांनी म्हटले आहे.