G20 Summit 2023: ‘कॉप२८’ यूएई प्रेसिडेन्सी आणि आंतरराष्ट्रीय ऊर्जा संस्था (आयईए) यांनी १.५ सेल्सिअस अंश संरेखित ऊर्जा संक्रमण तयार करण्यासाठी ‘कॉप २८’ पर्यंत उच्च-स्तरीय संवादांची बैठक मालिका सुरू झाली असून भारताच्या दृष्टीने हा मोठा गुंतवणूक मार्ग असेल,असे सांगण्यात आले.

आंतरराष्ट्रीय अक्षय ऊर्जा संस्था (आयआरईएनए) यांच्या संयुक्त विद्यमाने ही बैठक मालिका आयोजित केली जात आहे.

त्याला संयुक्त राष्ट्रांच्या हवामान बदल संशोधनाद्वारे (यूएनएफसीसीसी) पाठबळ दिले जाईल,असे ‘कॉप२८’चे नियुक्त अध्यक्ष डॉ.सुलतान अल जबर यांनी सांगितले.

जबर म्हणाले ‘कॉप२८’ हे जगासाठी एकत्र येण्याची, निर्णायक कृतीसाठी एकत्र येण्याची, तत्कालीन पॅरिस कराराची उद्दिष्टे जिवंत ठेवण्यासाठी आणि १.५ सेल्सिअस पर्यंत पोहोचण्याच्या दिशेने प्रगती करण्यासाठी एक मैलाचा दगड ठरणाऱ्या संधीचे प्रतिनिधित्व करते.

आयईएचे सर्वसमावेशक पॅकेज

‘आयईएने एक सर्वसमावेशक ऊर्जा पॅकेज पुढे केले आहे जे ‘कॉप२८’ यशस्वी होण्यास मदत करू शकते.

यामध्ये जागतिक नवीकरणक्षमतेची क्षमता तिप्पट करणे, ऊर्जा कार्यक्षमतेची प्रगती दुप्पट करणे, तेल आणि वायू उद्योगातील उत्सर्जन कमी करणे, विकसनशील अर्थव्यवस्थांसाठी स्वच्छ ऊर्जा वित्तपुरवठा वाढवणे, जीवाश्म इंधनाची मागणी तीव्रपणे कमी करणे यांचा समावेश आहे,असे आयईएचे कार्यकारी संचालक डॉ. फातिह बिरोल यांनी सांगितले.