Goa Fraud Case Dainik Gomantak
गोवा

Goa Fraud Case: शेअर मार्केटमध्ये जास्त परतावा मिळवून देतो सांगत 2.44 कोटींची फसवणूक, आरोपी मध्य प्रदेशातून गजाआड

Fraud Case: गोवा सायबर गुन्हे शाखेने मोठी कारवाई करत २.४४ कोटी रुपयांच्या ऑनलाइन शेअर बाजार फसवणुकीप्रकरणी मध्य प्रदेशातील एका आरोपीला अटक केली आहे.

Sameer Amunekar

पणजी: गोवा सायबर गुन्हे शाखेने मोठी कारवाई करत २.४४ कोटी रुपयांच्या ऑनलाइन शेअर बाजार फसवणुकीप्रकरणी मध्य प्रदेशातील एका आरोपीला अटक केली आहे. या फसवणुकीत फोंडा येथील एका रहिवाशाला लक्ष्य करण्यात आलं होतं. तक्रारदाराने पोलिसांत तक्रार दाखल केल्यानंतर पोलिसांनी तपास करत ही कारवाई केली.

२५ नोव्हेंबर २०२४ ते ७ जानेवारी २०२५ दरम्यान फेसबुक आणि व्हॉट्सअ‍ॅपवरून संपर्क साधणाऱ्या अज्ञात व्यक्तीनं फोंडा येथील एका रहिवाशाला स्वतः शेअर बाजारातील तज्ज्ञ असल्याचं सांगितलं.

त्यानं बनावट ऑनलाइन शेअर बाजार योजना दाखवून जास्त परताव्याचे आमिष दाखवत, तक्रारदाराकडून विविध बँक व्यवहारांच्या माध्यमातून एकूण २.४४ कोटी रुपये उकळले.

या फसवणुकीचा तपास करण्यासाठी पोलिस अधीक्षक (सायबर गुन्हे) राहुल गुप्ता (आयपीएस) यांच्या मार्गदर्शनाखाली विशेष पथक स्थापन करण्यात आलं होतं. तांत्रिक विश्लेषण आणि आर्थिक व्यवहारांचा सखोल तपास करत पोलिसांनी मध्य प्रदेशातील नरसिंगपूर येथून नीरज राय (वय ५०) याला अटक केली.

आरोपी नीरज राय हा प्रतापनगर, शास्त्री वॉर्ड, गल्ली क्रमांक ९ येथे वास्तव्यास होता. तपासादरम्यान, नीरज रायने फसवणुकीच्या रकमेपैकी ३ लाख रुपये इतर बँक खात्यांत वळविल्याचे उघडकीस आलं आहे.

विशेष म्हणजे, त्याचे बँक खाते देशभरात दाखल झालेल्या सायबर फसवणुकीच्या ४० हून अधिक प्रकरणांशी संबंधित असल्याचेही पोलिसांच्या तपासात निष्पन्न झालं.

आरोपीला पाच दिवसांची पोलिस कोठडी देण्यात आली आहे. गोवा सायबर क्राइम पोलिस स्टेशनचे पीसी दीपक पेडणेकर यांच्या देखरेखीखाली पुढील तपास सुरू आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

New GST Rate: जीएसटी कॉन्सिलचा मोठा निर्णय! आता फक्त 5 आणि 18 टक्के दोनच कर; काय होणार स्वस्त? वाचा सविस्तर

Goa Politics: 'मग तुम्हीच तो DPR जनतेसमोर आणा!’ मुरगाव बंदरातील कोळसा वाहतुकीवरुन अमित पाटकरांचं सुदिन ढवळीकरांना थेट आव्हान

Viral Video: व्हायरल होण्याचा हव्यास ‘आंटींला' पडला भारी, व्हिडिओ पाहून नेटकरी हैराण, म्हणाले,'हे रिलवाले...'

Mumbai Goa Highway: “एक आडवा न तिडवा खड्डा चंद्रावाणी पडला गं…”; मुंबई-गोवा महामार्गाच्या दुर्दशेवर इन्फ्लुएन्सरने मांडली व्यथा VIDEO

शारदीय नवरात्रीतून मिळतायत 'हे' शुभसंकेत, देवीचे वाहन ठरवणार तुमचं भाग्य; वाचा संपूर्ण माहिती

SCROLL FOR NEXT