जेव्हापासुन फातोर्डा (Fatorda) मतदारसंघात (Constituency) विजय सरदेसाई (Vijai Sardesai,) कार्यरत होते, तेव्हापासुन काही लोक सरदेसाई येथील शेते बळकावेल अशी टिका करु लागले होते. पण 2007 पासुन आमदार विजय सरदेसाई येथील शेतांचे केवळ रक्षण करीतच नाही तर शेतकऱ्यांना स्वावलंबी बनविण्यासाठी झटत असल्याचे सरदेसाई यांच्या पत्नी उषा सरदेसाई (usha sardesai) यांनी शेतकऱ्यांना खत (Fertilizer) वाटपासाठी आयोजित केलेल्या कार्यक्रमात बोलत होत्या. या कार्यक्रमाला विजय सरदेसाईच्या अनुपस्थितीत उषा सरदेसाईहस्ते शेतकऱ्यांना खताचे वाटप करण्यात आले. या प्रसंगी नगराध्यक्ष लिंडन परेरा, नगरसेवक राजु नाईक, गोवा फॉरवर्डचे उपाध्यक्ष दुर्गादास कामत, व इतर पदाधिकारी उपस्थित होते.

निवडणुका सहा महिन्यावर येऊन ठेपल्या आहेत हे खरे असले तरी आमचा हा उपक्रम केवळ निवडणुकीपुरता नसुन गेल्या 15  वर्षांपासुन आम्ही हा उपक्रम सुरु केला असेही सौ. सरदेसाई यांनी सांगितले.गोवा फॉरवर्ड तर्फे दरवर्षी शेतकऱ्यांना नांगरणी, बी पेरणी ते कापणी पर्यंत मदत केली जाते. कापणीच्या वेळी शेतकऱ्यांना यंत्रे दिली जातात अशे उपाध्यक्ष दुर्गादास कामत यांनी सांगितले.यंदा फातोर्डातील 300 पेक्षा जास्त शेतकऱ्यांना मदत केली असल्याचे कामत यांनी सांगितले.