पणजी: गोवा (Goa) विधानसभेचे माजी सभापती (Former Speaker of the Legislative Assembly) व गोव्याचे माजी मंत्री राजेंद्र आर्लेकर (Rajendra Arlekar) (वय ६७) यांची हिमाचल प्रदेशच्या राज्यपालपदी नियुक्ती होणार आहे. पंतप्रधान नरेंद्र मोदी यांनी आपले या नियुक्तीबद्दल अभिनंदन केले असे आर्लेकर यांनी म्हटले आहे.

आर्लेकर यांचे घराणे मुळापासून संघाचे आहे. त्यांचे वडील विश्वनाथ आर्लेकर यांनी व त्यांनी आणीबाणी काळात कारावासही भोगला आहे. आर्लेकर हे सुरुवातीला वास्को व नंतर पेडणे मतदारसंघातून गोवा विधानसभेत निवडून आले होते. त्यांनी सभापती व पंचायत मंत्री म्हणूनही काम पाहिले आहे.