पावसाळी पर्यटनासाठी निसर्ग अनुभवायला येणारे देशी विदेशी पर्यटक व त्यातून स्थानिक लोकांना मिळणारा रोजगार याचा विचार करून वन खात्याने २६ कमी धोक्याच्या धबधब्यांची यादी तयार केली आहे, अशी माहिती मुख्य वनसंरक्षक नविन कुमार यांनी गोमन्तकला दिली.

वन खात्याने नुकतेच एक सर्वेक्षण केले असून राज्यातले ८ धोकादायक धबधब्यांची यादी तयार करून ती अधिकृत करण्यासाठी मंत्रालयात पाठवली आहे.

सत्तरी तालुक्यात पाली, हिवरे, चारावणे, गुळावली, गुंगूळडे, चिदंबारम, नानेली, उकैची खाडी, कुंमठळ, माड्यांनी, खाडी गुळळे. बांधवैलो वझर, वताराची राय हे सर्व धबधबे म्हादई अभयारण्यात येतात.

भगवान महावीर वन्यजीव अभयारण्य आणि राष्ट्रीय उद्यान मोले परिसरात मैडा, कुळे, दूधसागर मंदिराजवळील महामार्ग, महामार्ग व्हीवपॉईंट, महावीर गेट महामार्ग, टळडे, बामणबुडो, पिकले वाडी, तांबडीसुर्ला, दूधसागर हे धबधबे येतात. 

नेत्रावळी वन्यजीव वनक्षेत्रात सावरी, कुस्के आणि भिती येथील धबधबे हे कमी धोकादायक श्रेणीत येतात, अशी माहिती मुख्य वनसंरक्षक कुमार यांनी दिली.