Illegal Food Stall: अन्न व औषध खात्याने काल कोरगाव येथील भूमिका देवीच्या जत्रोत्सवाला आलेल्या नऊ बेकायदेशीर गोबी मंच्युरियन स्टॉलवर कारवाई करून बंद पाडले. सदर स्टॉल धारकाशी अन्न व औषध खात्याच्या अधिकाऱ्यांनी खात्याचा परवान्याची तसेच ग्रामपंचायतीच्या परवानगीची मागणी केली, असता या नऊ स्टॉल धारकांपैकी कोणाकडे कसलाही परवाना नसल्याचे समोर झाले आहे.

अन्न व औषध खात्याच्या योगिता सिरसाट, डारलेण्ड दिवकर, अर्जुन, प्रितम परब यांनी ही कारवाई केली. अशा या गोबी मंचुरीयन स्टॉलवर सॉस व इतर साहित्य कमी दर्जाचे होते. परवानगी असलेले खाद्य रंग वापरा, ते देखील फक्त परवानगी असलेल्या खाद्यपदार्थांमध्ये आणि परवानगी असलेल्या प्रमाणात वापरण्यास परवानगी आहे.

दरम्यान, या स्टॉलवर पण परवाना नसलेला, कमी दर्जाचा खाद्य रंग, तसेच परवानगी नसलेल्या पदार्थास कुठलाही खाद्य रंग वापरणे, गोबी मंच्युरित वापरण्यात येणारा ‘हाजी मोटो’ अशा सर्व गोष्टी आरोग्यास अपायकारक आहेत, अशी सर्वत्र चर्चा आहे. या पार्श्‍वभूमीवर गोबी मंच्युरियन विक्रेता स्टॉलवर कारवाईची धडक मोहिम सुरू आहे.