Goa Fish Market: कर्नाटकातून गोव्यात येणाऱ्या मासळीमध्ये फॉर्मेलीन चेकिंग होत नसल्याचा प्रकार नुकताच उघडकीस आला असून एका खाजगी वृत्त वाहिनीने या संबंधी पोलखोल केलीय.

विशेष म्हणजे कर्नाटक गोवा हद्दीवर QC म्हणजेच क्वालिटी कौन्सिल ऑफ इंडियाचे ऑफिस असून त्यांच्याकडून केवळ वाहतूक करणाऱ्या गाड्याच्या पेपर्सची तपासणी केली जात असल्याचा प्रकार समोर आलाय.

गोवा सरकारने लोकांच्या आरोग्याच्या काळजीपोटी अनेक यंत्रणा उभारल्या असल्या तरी त्या संस्थेत काम करणारे चालढकल करत असतील तर लोकांच्या आरोग्याशी चालणारे खेळ थांबणार कधी असा प्रश्न या निमित्ताने विचारला जातोय.

या घटनेसंबंधी अद्याप सविस्तर माहिती प्राप्त होऊ शकली नाही. तसेच संबंधित खात्याकडून कुणाही अधिकारी वर्गाने याबाबत स्पष्टीकरण दिलेले नाही.