वास्को: वास्को दत्रात्रेय मार्गाच्या बाजूस असलेल्या मुरगाव नगरपालिका मार्केटमध्ये गोमास दुकान (बिफ सेंटर) 2005 पर्यंत शौचालय होते. या शौचालयाचे रूपांतर गोमांस दुकानात करण्यात आले आहे. यात पालिकेने भ्रष्टाचार केल्याचा आरोप गोवा फर्स्ट बिगर सरकारी संस्थेचे निमंत्रक परशुराम सोनुर्लेकर यांनी केला आहे.

(Goa First NGO has demanded action against the beef shop in Vasco)

गोवा फर्स्ट बिगर सरकारी संस्थेने मुरगाव तालुक्यात आजपर्यंत विविध विषयावर आवाज उठवला आहे. गेल्या महिन्यात वास्को दत्तात्रय मार्गाच्या बाजूस मुरगाव नगरपालिकेच्या मार्केटमधील बेकायदेशीररित्या शौचालयाचे रूपांतर गोमांस दुकान केल्याची तक्रार मुख्याधिकारी व राज्य पालिका संचालकांकडे गोवा फर्स्टचे निमंत्रक परशुराम सोनुर्लेकर यांनी केली होती.

गोवा फर्स्टने ही तक्रार दाखल करून तीन आठवडे झाले तरी पालिकेच्या मार्केटमध्ये शौचालयाच्या जागी उभारलेले गोमांस दुकानावर मुरगाव नगरपालिकेने काहीच कारवाई केली नाही. अशी माहिती परशुराम सोनुर्लेकर यांनी दिली आहे. पालिका मुद्दामहून त्या गोमांस दुकानावर कारवाई करीत केली नाही. म्हणूनच पालिकेचे अधिकारी वर्ग भ्रष्टाचारात गुंतलेला असल्याची टीका सोनुर्लेकर यांनी केली आहे.