Goa Fire Dainik Gomantak
गोवा

Goa Fire : दवर्लीत फर्निचरच्या दुकानाला आग; सात लाखांची हानी

गोमन्तक डिजिटल टीम

Goa Fire : पडत असलेल्या संततधार पावसातही मडगाव परिसरातील दवर्ली या ठिकाणी एका फर्निचरच्या दुकानाला आग लागून सात लाखांचे नुकसान होण्याचा प्रकार घडला. ही दुर्घटना पहाटे ४ वाजण्याच्या सुमारास घडली.

दवर्ली येथील रोझरी चॅपल येथे असलेल्या मकबूल अहमद यांच्या फर्निचरच्या दुकानाला ही आग लागली होती. या दुकानात प्लायवूडचे साहित्य मोठ्या प्रमाणात होते. या बरोबरच लाकडी साहित्य व कापण्यासाठी लागणारी मशिनरीही येथे होती. हे सर्व जळून खाक झाले.

घटनेची माहिती मिळाल्यानंतर तातडीने मडगाव अग्निशम दलाच्या पथकाने धाव घेऊन ही आग विझविली. यात या दलाच्या पथकाला पाच लाखांपर्यंतची मालमत्ता वाचविण्यात यश आले. फर्निचर दुकानाचे मालक मकबूल अहमद यांनी सांगितले की, पडत असलेल्या पावसामुळे येथील दुकानात विद्युत वाहिनीत पाणी शिरल्याने शॉर्ट सर्किट होऊन आग लागण्याचा प्रकार घडला असावा.

मुसळधार पावसामुळे अनेक ठिकाणी झाडे उन्मळून पडण्याचे तसेच फांद्या तुटून पडण्याचे प्रकार घडले आहेत. यात मांडोप नावेली येथे असलेल्या एका घरावर झाड पडून पाच हजार रुपयांचे नुकसान झाले आहे. तर १५ हजारांची मालमत्ता अग्निशमन दलाने वाचविली आहे. जाकनीबांद या परिसरातही एक आंब्याचे झाड उन्मळून रस्त्यावर पडले,अशी माहिती अग्निशमन दलातर्फे देण्यात आली आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Arjun Tendulkar: क्रिकेटच्या देवाचा मुलगा चमकला, कर्नाटक संघाचे कंबरडे मोडले; गोव्याला मिळवून दिला मोठा विजय

Hit and Run Case: पेडणे हिट अँड रन प्रकरणातील फरार ट्रकचालकाला अटक

Mumbai Goa Highway Accident: मालवणमधून कोल्हापूर - तुळजापूरला जाणाऱ्या एसटी बसचा अपघात, 26 प्रवासी जखमी

Whirlwind at Arambol Beach: हरमल समुद्रकिनारी अचानक वावटळीची धडक; काही स्टॉल्सचे नुकसान

Goa Fishing: कर्नाटकातील मच्छीमारांची घुसखोरी, गोव्यातून होतोय तीव्र विरोध

SCROLL FOR NEXT