Goa Ferry Boat: गोव्यातील बेटांवरील फेरीबोटीच्या सोयीमुळे इतर मुख्य भूभागाशी जोडले गेले आहेत. दरम्यान, गेल्या काही दिवसांपासून राज्य सरकार या फेरीबोटींमध्ये दुचाकी आणि चारचाकीला शुल्क लावणार असल्याची चर्चा होती. आता, त्याची घोषणाही राज्य सरकारकडून करण्यात आली आहे.

मंत्री सुभाष फळदेसाई यांनी याबाबत माहिती देताना फेरीबोटीत दुचाकी आणि चारचाकी गाड्यांना शुल्क आकारणार असल्याचे सांगितले. त्यांनी यासाठी मासिक पासही उपलब्ध केला जाईल, असेही सांगितले.

फेरीबोटींतून ये-जा करण्यासाठी दुचाकीला महिन्याला 150 रूपयांचा पास असेल. तर चारचाकी गाडीसाठी महिन्याला 600 रूपयांचा पास असेल. पास ऑनलाईन काढता येणार आहे.

तर दुचाकींसाठी दिवसाला 10 रूपये आणि चारचाकींसाठी दिवसाला 40 रूपये शुल्क आकारले जाईल.